wahi hai rut aur wahi faza hai
vahī hai rut aur vahī fazā hai
charāġh-e-sarmā bujhā huā hai
na ham-safar hai na ham-navā hai
safar bhī is baar duur kā hai
maiñ dekh kar jis ko Dar rahā thā
vo saaya mujh se lipaT gayā hai
tamām rangoñ se bhar ke mujh ko
vo shaḳhs tasvīr ho gayā hai
yuuñ ek Tuk dekhnā ḳhalā meñ
udaas hone kī ibtidā hai
abhī Tahalte raho galī meñ
abhī darīcha khulā huā hai
chalo ki dariyā nikālte haiñ
uTho ki sahrā pukārtā hai
wahi hai rut aur wahi faza hai
charagh-e-sarma bujha hua hai
na ham-safar hai na ham-nawa hai
safar bhi is bar dur ka hai
main dekh kar jis ko Dar raha tha
wo saya mujh se lipaT gaya hai
tamam rangon se bhar ke mujh ko
wo shaKHs taswir ho gaya hai
yun ek Tuk dekhna KHala mein
udas hone ki ibtida hai
abhi Tahalte raho gali mein
abhi daricha khula hua hai
chalo ki dariya nikalte hain
uTho ki sahra pukarta hai
- Book : Ham Zameen Par Aasmaan Ke Phool Hain (Pg. 69)
- Author : Vikas Sharma Raaz
- Publication : Rekhta Publications (2025)
- Edition : 3rd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
