aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wahi hota hai jo mahbub ko manzur hota hai

Safi Aurangabadi

wahi hota hai jo mahbub ko manzur hota hai

Safi Aurangabadi

MORE BYSafi Aurangabadi

    vahī hotā hai jo mahbūb ko manzūr hotā hai

    mohabbat karne vaalā har tarah majbūr hotā hai

    jahāñ jaate haiñ ham us galī se ho ke jaate haiñ

    agarche rāsta is rāste se duur hotā hai

    nahīñ rukte ghaḌī-bhar tālib-e-dīdār ke aañsū

    ye zālim shauq goyā aañkh nāsūr hotā hai

    koī majnūñ izzat ishq sarkār meñ dekhe

    baḌī ḳhidmat pe aisā aadmī māmūr hotā hai

    hasīnoñ tanazzul bhī nahīñ hai shaan se ḳhālī

    buḌhāpe meñ bhī un logoñ ke muñh pe nuur hotā hai

    vo aisī ḳhanda-peshānī se har mārūza sunte haiñ

    ye samjhe arz karne vaalā ab manzūr hotā hai

    tujhe mash.hūr honā ho to āshiq burā.ī kar

    burā.ī se bahut jald aadmī mash.hūr hotā hai

    hamāre ghar vo aa kar thak ga.e haañ kyuuñ na thak jaate

    nayā rasta jo ho nazdīk bhī to duur hotā hai

    jo tum vābastā-e-dāman ko samjhe dāġh-e-bad-nāmī

    to ab kyā duur kar sakte ho ab ye duur hotā hai

    baḌā ehsān hogā mere dil ḳhuun kar Daalo

    yahī majbūr kartā hai yahī majbūr hotā hai

    mujhe tum jānte ho aql se ma.azūr haañ be-shak

    mohabbat karne vaalā aql se ma.azūr hotā hai

    hasīn har ek ho saktā nahīñ be-shak safī' be-shak

    vahī hotā hai jo allāh ko manzūr hotā hai

    wahi hota hai jo mahbub ko manzur hota hai

    mohabbat karne wala har tarah majbur hota hai

    jahan jate hain hum us ki gali se ho ke jate hain

    agarche rasta is raste se dur hota hai

    nahin rukte ghaDi-bhar talib-e-didar ke aansu

    ye zalim shauq goya aankh ka nasur hota hai

    koi majnun ki izzat ishq ki sarkar mein dekhe

    baDi KHidmat pe aisa aadmi mamur hota hai

    hasinon ka tanazzul bhi nahin hai shan se KHali

    buDhape mein bhi un logon ke munh pe nur hota hai

    wo aisi KHanda-peshani se har maruza sunte hain

    ye samjhe arz karne wala ab manzur hota hai

    tujhe mashhur hona ho to aashiq ki burai kar

    burai se bahut jald aadmi mashhur hota hai

    hamare ghar wo aa kar thak gae han kyun na thak jate

    naya rasta jo ho nazdik bhi to dur hota hai

    jo tum wabasta-e-daman ko samjhe dagh-e-bad-nami

    to ab kya dur kar sakte ho ab ye dur hota hai

    baDa ehsan hoga mere dil ka KHun kar Dalo

    yahi majbur karta hai yahi majbur hota hai

    mujhe tum jaante ho aql se mazur han be-shak

    mohabbat karne wala aql se mazur hota hai

    hasin har ek ho sakta nahin be-shak safi' be-shak

    wahi hota hai jo allah ko manzur hota hai

    Source:

    Kulliyat-e-Safi (Pg. 275)

    • Author: Safi Auranjabadi
      • Edition: 2000
      • Publisher: Urdu Acadami Hayderabad
      • Year of Publication: 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now