wallah in shahidon ka mear dekh kar

vallāh in shahīdoñ kā me.aar dekh kar

hai marg-e-shauq aur sivā daar dekh kar

un par bhī khul sakā na ufuq kā tilismī raaz

hairān-kun karishma-e-fankār dekh kar

shorīdgī-e-ābla-pā.ī ke bāvajūd

jazbe na kam hue rah-e-pur-ḳhār dekh kar

is mājrā-e-lutf pe pahroñ sukūt-e-shab

hairāñ thā ḳhud ko apnā hī ġham-ḳhvār dekh kar

dāman chhuḌā na paa.e dam-e-sair apnā ham

kāñToñ kī anjuman kā bhī isrār dekh kar

patthar tarāshne kā hunar jāntā thā maiñ

par chup thā but-parast ḳharīdār dekh kar

'hassān' sīkho aur zarā shā.irī kā fan

'ġhālib' 'jigar' 'firāq' ke ash.ār dekh kar

wallah in shahidon ka mear dekh kar

hai marg-e-shauq aur siwa dar dekh kar

un par bhi khul saka na ufuq ka tilismi raaz

hairan-kun karishma-e-fankar dekh kar

shoridgi-e-abla-pai ke bawajud

jazbe na kam hue rah-e-pur-KHar dekh kar

is majra-e-lutf pe pahron sukut-e-shab

hairan tha KHud ko apna hi gham-KHwar dekh kar

daman chhuDa na pae dam-e-sair apna hum

kanTon ki anjuman ka bhi israr dekh kar

patthar tarashne ka hunar jaanta tha main

par chup tha but-parast KHaridar dekh kar

'hassan' sikho aur zara shairi ka fan

'ghaalib' 'jigar' 'firaq' ke ashaar dekh kar