vaqt-e-taz.īñ jo dikhā.e vo safā siine ko
muñh dikhāne kī na phir jā rahe ā.īne ko
ġham nahīñ mahfil-e-jānāñ meñ nahīñ sadr-nashīñ
us ne siine meñ to jaave hai mire kiine ko
ai sanam tujh ko jo pahuñchā vo ḳhudā ko pahuñchā
zīna-e-arsh samajhtā huuñ tire ziine ko
shāl-e-shāhī se ziyāda hai mujhe kamlī-e-faqr
jāntā pashm barābar huuñ maiñ pashmīne ko
ham vo hātim haiñ ki jo sūrat-e-qārūn ai 'shād'
saath le jā.eñge zar baañT ke ganjīne ko
waqt-e-tazin jo dikhae wo safa sine ko
munh dikhane ki na phir ja rahe aaine ko
gham nahin mahfil-e-jaanan mein nahin sadr-nashin
us ne sine mein to jawe hai mere kine ko
ai sanam tujh ko jo pahuncha wo KHuda ko pahuncha
zina-e-arsh samajhta hun tere zine ko
shaal-e-shahi se ziyaada hai mujhe kamli-e-faqr
jaanta pashm barabar hun main pashmine ko
hum wo hatim hain ki jo surat-e-qarun ai 'shad'
sath le jaenge zar banT ke ganjine ko
Source:
Sukhan-e-Bemisal: Deewan-e-Shad (pdf) and website (Pg. p-82 e-88 pdf-89)
-
Author:
Shad Lakhnavi
-
- Edition: 1901
- Publisher: Matbaa Tasweer-e- Alam, Lucknow
- Year of Publication: 1901
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.