vaqt ne ik nazar jo Daalī hai
phuul kī tāzgī churā lī hai
aaj bhī us ne shaam se pahle
dhuup dīvār se uThā lī hai
ab havā chīḳhtī phire shab bhar
shahr to shaam hī se ḳhālī hai
maut bhī is liye nahīñ aatī
zindagī zindagī se ḳhālī hai
hai mulāqāt us se ḳhvāboñ meñ
aur ye tasvīr bhī ḳhayālī hai
ham-safar bhī nayā banā leñge
rahguzar jab na.ī banā lī hai
ā.īna gard se aTā hai 'naved'
aur be-chehragī misālī hai
waqt ne ek nazar jo Dali hai
phul ki tazgi chura li hai
aaj bhi us ne sham se pahle
dhup diwar se uTha li hai
ab hawa chiKHti phire shab bhar
shahr to sham hi se KHali hai
maut bhi is liye nahin aati
zindagi zindagi se KHali hai
hai mulaqat us se KHwabon mein
aur ye taswir bhi KHayali hai
ham-safar bhi naya bana lenge
rahguzar jab nai bana li hai
aaina gard se aTa hai 'nawed'
aur be-chehragi misali hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.