aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

وقت پر آتے ہیں نہ جاتے ہیں

پروین ام مشتاق

وقت پر آتے ہیں نہ جاتے ہیں

پروین ام مشتاق

MORE BYپروین ام مشتاق

    وقت پر آتے ہیں نہ جاتے ہیں

    روز اقرار بھول جاتے ہیں

    وہ جو بے وجہ مسکراتے ہیں

    سیکڑوں وہم دل میں آتے ہیں

    اشک حسرت نکل کے دامن میں

    جان سے ہاتھ دھوئے آتے ہیں

    جب تم آتے نہیں ہو وعدہ پر

    ملک الموت کو بلاتے ہیں

    سو گیا بخت جب سے رو رو کر

    سارے ہم سایوں کو جگاتے ہیں

    ان کو شرم و حیا نہیں آتی

    دل چرا کر نظر چراتے ہیں

    بے خطا ہے وہ آسماں مجرم

    اس کو الزام کیوں لگاتے ہیں

    جان کر بن گئے ہیں ہم بھولے

    چٹکیوں میں کسے اڑاتے ہیں

    تیرے کوچہ میں ہم بھی اب تھک کر

    دل کے مانند بیٹھے جاتے ہیں

    غیر کیا اور اس کی ہستی کیا

    آپ کیوں مفت خوف کھاتے ہیں

    کوئی تازہ ستم کیا ایجاد

    دیکھ کر وہ جو مسکراتے ہیں

    آگ پانی میں کیوں لگاتے ہو

    نیک جو لوگ ہیں بجھاتے ہیں

    تم مرے دل میں ہو تو دیکھوں میں

    حور و غلماں کہیں سماتے ہیں

    میں نے پوچھی جو وجہ قتل کہا

    ٹھہرو دم لے کے ہم بتاتے ہیں

    عشق تیرے طفیل دنیا کے

    طنزیں سنتے ہیں طعنے کھاتے ہیں

    بے سبب کیا بگڑنے کا باعث

    آپ پرویںؔ کو بھی بناتے ہیں

    مأخذ:

    Deewan-e-parveen (Pg. ebook-141 page-138)

    • مصنف: پروین ام مشتاق
      • ناشر: عزیزی پریس

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے