wo aksar baaton baaton mein aghyar se puchha karte hain
wo aksar baaton baaton mein aghyar se puchha karte hain
Zaheer Kashmiri
MORE BYZaheer Kashmiri
vo aksar bātoñ bātoñ meñ aġhyār se pūchhā karte haiñ
ye sar-ba-girebāñ dīvāne kis shai kā taqāzā karte haiñ
ik din thā ki sāhil par baiThe tūfāñ pe tabassum karte the
ab māyūsī ke aalam meñ sāhil kā tamāshā karte haiñ
ḳhatra hai vafā ke luTne kā majbūri-e-dil bhī lāzim hai
jiine kī tamannā karte haiñ marne kā taqāzā karte haiñ
ma.asūm sitamgar kī bāteñ mazlūm adā ke afsāne
yuuñ raat basar ho jaatī hai yuuñ dil kā mudāvā karte haiñ
jab nādānī kā aalam thā hāsil kī tamannā karte the
ab dil meñ aag lagāte haiñ sho.aloñ kā tamāshā karte haiñ
apne meñ rahe to rusvā.ī apne se ga.e to saudā.ī
ham muddat se dīvāngi-e-duniyā kā tamāshā karte haiñ
wo aksar baaton baaton mein aghyar se puchha karte hain
ye sar-ba-gireban diwane kis shai ka taqaza karte hain
ek din tha ki sahil par baiThe tufan pe tabassum karte the
ab mayusi ke aalam mein sahil ka tamasha karte hain
KHatra hai wafa ke luTne ka majburi-e-dil bhi lazim hai
jine ki tamanna karte hain marne ka taqaza karte hain
masum sitamgar ki baaten mazlum ada ke afsane
yun raat basar ho jati hai yun dil ka mudawa karte hain
jab nadani ka aalam tha hasil ki tamanna karte the
ab dil mein aag lagate hain shoalon ka tamasha karte hain
apne mein rahe to ruswai apne se gae to saudai
hum muddat se diwangi-e-duniya ka tamasha karte hain
Source:
kulliyat-e-zahiir (Pg. 38)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
