wo apne shahr-e-faraghat se kam nikalta hai
vo apne shahr-e-farāġhat se kam nikaltā hai
nikal bhī aa.e to fursat se kam nikaltā hai
maiñ ḳhānqāh ke bāhar khaḌā huuñ muddat se
yahāñ bhī kaam aqīdat se kam nikaltā hai
falak kī sair ke paiġhām aate rahte haiñ
badan hī ḳhaak kī dahshat se kam nikaltā hai
sambhal sambhal ke to chaltā hai vo sitāra bhī
tumhārī jaisī nazākat se kam nikaltā hai
maiñ nāptā huuñ to har baar raqba-e-aflāk
mirī nigāh kī vus.at se kam nikaltā hai
hamesha ishq ko hī mānñī paḌī hai haar
hamesha husn zarūrat se kam nikaltā hai
ye nafratoñ ko miTāne kī zid rahe baaqī
magar ye kaam mohabbat se kam nikaltā hai
wo apne shahr-e-faraghat se kam nikalta hai
nikal bhi aae to fursat se kam nikalta hai
main KHanqah ke bahar khaDa hun muddat se
yahan bhi kaam aqidat se kam nikalta hai
falak ki sair ke paigham aate rahte hain
badan hi KHak ki dahshat se kam nikalta hai
sambhal sambhal ke to chalta hai wo sitara bhi
tumhaari jaisi nazakat se kam nikalta hai
main napta hun to har bar raqba-e-aflak
meri nigah ki wusat se kam nikalta hai
hamesha ishq ko hi manni paDi hai haar
hamesha husn zarurat se kam nikalta hai
ye nafraton ko miTane ki zid rahe baqi
magar ye kaam mohabbat se kam nikalta hai
Source:
Aakhiri Ishq Sabse Pahle Kiya (Pg. 101)
- Author: Nomaan Shauq
-
- Edition: First
- Publisher: Rekhta Publications
- Year of Publication: 2018
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
