wo darmiyan se nikla to ye khula mujh par

vo darmiyān se niklā to ye khulā mujh par

ki ho ga.e haiñ musallat ka.ī ḳhudā mujh par

adhūre naqsh vagarna kashish nahīñ rakhte

kiyā gayā hai koī ḳhaas tajraba mujh par

hamāre beach takallum kī ek sūrat thī

ki husn tujh pe utartā aur aa.ina mujh par

biThā diyā gayā pahle baḌe baḌoñ meñ mujhe

phir ek camera focus kiyā gayā mujh par

vo chāñd hai use zebā hai daaġh māthe par

maiñ rāsta huuñ so paḌtā hai naqsh-e-pā mujh par

maiñ ik adā se daraḳhtoñ ke beach Thahrā rahā

phir ek roz koī naam likh gayā mujh par

wo darmiyan se nikla to ye khula mujh par

ki ho gae hain musallat kai KHuda mujh par

adhure naqsh wagarna kashish nahin rakhte

kiya gaya hai koi KHas tajraba mujh par

hamare beach takallum ki ek surat thi

ki husn tujh pe utarta aur aaina mujh par

biTha diya gaya pahle baDe baDon mein mujhe

phir ek camera focus kiya gaya mujh par

wo chand hai use zeba hai dagh mathe par

main rasta hun so paDta hai naqsh-e-pa mujh par

main ek ada se daraKHton ke beach Thahra raha

phir ek roz koi nam likh gaya mujh par