wo dekhne mujhe aana to chahta hoga

vo dekhne mujhe aanā to chāhtā hogā

magar zamāne kī bātoñ se Dar gayā hogā

use thā shauq bahut mujh ko achchhā rakhne kā

ye shauq auroñ ko shāyad burā lagā hogā

kabhī na hadd-e-adab se baḌhe the diida o dil

vo mujh se kis liye kis baat par ḳhafā hogā

mujhe gumān hai ye bhī yaqīn kī had tak

kisī se bhī na vo merī tarah milā hogā

kabhī kabhī to sitāroñ kī chhāñv meñ vo bhī

mire ḳhayāl meñ kuchh der jāgtā hogā

vo us kā saada o ma.asūm vālihāna-pan

kisī bhī jug meñ koī devtā bhī kyā hogā

nahīñ vo aayā to 'jālib' gila na kar us kā

na-jāne kyā use darpesh mas.ala hogā

wo dekhne mujhe aana to chahta hoga

magar zamane ki baaton se Dar gaya hoga

use tha shauq bahut mujh ko achchha rakhne ka

ye shauq auron ko shayad bura laga hoga

kabhi na hadd-e-adab se baDhe the dida o dil

wo mujh se kis liye kis baat par KHafa hoga

mujhe guman hai ye bhi yaqin ki had tak

kisi se bhi na wo meri tarah mila hoga

kabhi kabhi to sitaron ki chhanw mein wo bhi

mere KHayal mein kuchh der jagta hoga

wo us ka sada o masum walihana-pan

kisi bhi jug mein koi dewta bhi kya hoga

nahin wo aaya to 'jalib' gila na kar us ka

na-jaane kya use darpesh masala hoga