wo ham-safir the to qafas bhi chaman hi tha
wo ham-safir the to qafas bhi chaman hi tha
Khalilur Rahman Azmi
MORE BYKhalilur Rahman Azmi
vo ham-safīr the to qafas bhī chaman hī thā
ab jaise āshiyāñ bhī mirā āshiyāñ nahīñ
mere junūñ pe un ko ḳhalish sī zarūr hai
ye aur baat hai ki vo kuchh mehrbāñ nahīñ
sab nā-ummīd ho ke zamāne se jā mile
ahl-e-vafā kā aaj koī rāz-dāñ nahīñ
kaisī bahār kaisā chaman kaisā mai-kada
merā lahū bhī pī ke ye duniyā javāñ nahīñ
ham ahl-e-ġham ke paas dil-e-ḳhūñ-chakāñ to hai
tum ko sunā.eñ haal vo tarz-e-bayāñ nahīñ
nāseh kī zid pe charḳh ko laanā thā raah par
kaise kaheñ ki sa.i-e-junūñ rā.egāñ nahīñ
wo ham-safir the to qafas bhi chaman hi tha
ab jaise aashiyan bhi mera aashiyan nahin
mere junun pe un ko KHalish si zarur hai
ye aur baat hai ki wo kuchh mehrban nahin
sab na-ummid ho ke zamane se ja mile
ahl-e-wafa ka aaj koi raaz-dan nahin
kaisi bahaar kaisa chaman kaisa mai-kada
mera lahu bhi pi ke ye duniya jawan nahin
hum ahl-e-gham ke pas dil-e-KHun-chakan to hai
tum ko sunaen haal wo tarz-e-bayan nahin
naseh ki zid pe charKH ko lana tha rah par
kaise kahen ki sai-e-junun raegan nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
