wo jab dega jo kuchh dega dega apne walon ko
vo jab degā jo kuchh degā degā apne vāloñ ko
vaise bhī kuchh miltā kab hai dhuup meñ tapne vāloñ ko
diin dharm mahfūz haiñ lekin tasvīroñ juzdānoñ meñ
vaqt paḌe to le aate haiñ maalā japne vāloñ ko
ḳhvāboñ kī bārish to saare zaḳhm hare kar detī hai
niiñd kahāñ se aa.egī phir bhīge sapne vāloñ ko
aḳhbāroñ kī surḳhī banñā sab ke bas kī baat nahīñ
ūñchā mol chukānā paḌtā hai roz ke chhapne vāloñ ko
jaane kaise aise vaise aage baḌhte jaate haiñ
paas se jā kar kis ne dekhā 'badr' panapne vāloñ ko
wo jab dega jo kuchh dega dega apne walon ko
waise bhi kuchh milta kab hai dhup mein tapne walon ko
din dharm mahfuz hain lekin taswiron juzdanon mein
waqt paDe to le aate hain mala japne walon ko
KHwabon ki barish to sare zaKHm hare kar deti hai
nind kahan se aaegi phir bhige sapne walon ko
aKHbaron ki surKHi banna sab ke bas ki baat nahin
uncha mol chukana paDta hai roz ke chhapne walon ko
jaane kaise aise waise aage baDhte jate hain
pas se ja kar kis ne dekha 'badr' panapne walon ko
Source:
TO MAIN KAHAN HOON (POETRY) (Pg. 47)
- Author: Badr Wasti
-
- Edition: 2010
- Publisher: Madhya Pradesh Urdu Academy
- Year of Publication: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
