wo kuchh is liye bhi hisab mein nahin aaega

vo kuchh is liye bhī hisāb meñ nahīñ aa.egā

kabhī aa.egā kabhī ḳhvāb meñ nahīñ aa.egā

ye vo lahr hai jo ḳhumār se nahīñ munsalik

ye vo nashsha hai jo sharāb meñ nahīñ aa.egā

abhī ḳhāl-o-ḳhad nahīñ chamke husn-e-shadīd ke

abhī aa.ina tab-o-tāb meñ nahīñ aa.egā

ye savāl karnā bhī lāzmī thā visāl kā

mujhe 'ilm thā ki javāb meñ nahīñ aa.egā

yahī zulm jaarī rahā to phir kabhī shauq se

koī is jahān-e-ḳharāb meñ nahīñ aa.egā

go maiñ shā'irī ko sajā.ūñgā tire zikr se

tirā naam merī kitāb meñ nahīñ aa.egā

maiñ huuñ 'āzar' us parī-rū ke sāmne ḳhvāb meñ

jo ye keh rahā thā ki ḳhvāb meñ nahīñ aa.egā

wo kuchh is liye bhi hisab mein nahin aaega

kabhi aaega kabhi KHwab mein nahin aaega

ye wo lahr hai jo KHumar se nahin munsalik

ye wo nashsha hai jo sharab mein nahin aaega

abhi KHal-o-KHad nahin chamke husn-e-shadid ke

abhi aaina tab-o-tab mein nahin aaega

ye sawal karna bhi lazmi tha visal ka

mujhe 'ilm tha ki jawab mein nahin aaega

yahi zulm jari raha to phir kabhi shauq se

koi is jahan-e-KHarab mein nahin aaega

go main sha'iri ko sajaunga tere zikr se

tera nam meri kitab mein nahin aaega

main hun 'azar' us pari-ru ke samne KHwab mein

jo ye keh raha tha ki KHwab mein nahin aaega