wo kya hai kaun hai ye to zara bata mujhko

vo kyā hai kaun hai ye to zarā batā mujh ko

ki jis ne sañg meñ tabdīl kar diyā mujh ko

maiñ kho na jā.ūñ kahīñ dasht-e-nā-murādī meñ

tū apnī ā.ankhoñ kī āġhosh meñ chhupā mujh ko

kisī tarah na tilism-e-sukūt TuuT sakā

vo de rahā thā bahut duur se sadā mujh ko

maiñ dūsroñ kī malāmat kā bojh sah lūñgā

magar tū apnī nazar se na yuuñ girā mujh ko

maiñ tere sāmne phir sar-buland ho na sakūñ

gunah kī ret meñ is tarah mat dabā mujh ko

badan kī aag ko oḌhā hai chādaroñ kī tarah

milī hai ḳhuub mire jurm kī sazā mujh ko

wo kya hai kaun hai ye to zara bata mujh ko

ki jis ne sang mein tabdil kar diya mujh ko

main kho na jaun kahin dasht-e-na-muradi mein

tu apni aaankhon ki aaghosh mein chhupa mujh ko

kisi tarah na tilism-e-sukut TuT saka

wo de raha tha bahut dur se sada mujh ko

main dusron ki malamat ka bojh sah lunga

magar tu apni nazar se na yun gira mujh ko

main tere samne phir sar-buland ho na sakun

gunah ki ret mein is tarah mat daba mujh ko

badan ki aag ko oDha hai chadaron ki tarah

mili hai KHub mere jurm ki saza mujh ko