wo pas aae aas bane aur palaT gae

vo paas aa.e aas bane aur palaT ga.e

kitne hī parde āñkhoñ ke aage se haT ga.e

har baaġh meñ bahār huī ḳhema-zan magar

dāman ke saath saath yahāñ dil bhī phaT ga.e

gumrāhiyoñ kā lapkā kuchh aisā paḌā ki ham

manzil qarīb aa.ī to rahbar se kaT ga.e

dil de ke is tarah se tabī.at sambhal ga.ī

goyā tamām umr ke jhagḌe nipaT ga.e

barsoñ ke pyāse dasht-navardoñ se pūchhiye

un bādaloñ kā pyaar jo ghirte hī chhaT ga.e

bas meñ raheñ na jab ġham-e-daurāñ kī vus.ateñ

ham log apne gosha-e-dil meñ simaT ga.e

'shohrat' unheñ bhulāne kī koshish jo kī kabhī

dāmān-e-dil se saiñkaḌoñ fitne lipaT ga.e

wo pas aae aas bane aur palaT gae

kitne hi parde aankhon ke aage se haT gae

har bagh mein bahaar hui KHema-zan magar

daman ke sath sath yahan dil bhi phaT gae

gumrahiyon ka lapka kuchh aisa paDa ki hum

manzil qarib aai to rahbar se kaT gae

dil de ke is tarah se tabiat sambhal gai

goya tamam umr ke jhagDe nipaT gae

barson ke pyase dasht-nawardon se puchhiye

un baadalon ka pyar jo ghirte hi chhaT gae

bas mein rahen na jab gham-e-dauran ki wusaten

hum log apne gosha-e-dil mein simaT gae

'shohrat' unhen bhulane ki koshish jo ki kabhi

daman-e-dil se sainkaDon fitne lipaT gae