wo qaza ke ranj mein jaan den ki namaz jin ki qaza hui
wo qaza ke ranj mein jaan den ki namaz jin ki qaza hui
Muztar Khairabadi
MORE BYMuztar Khairabadi
vo qazā ke rañj meñ jaan deñ ki namāz jin kī qazā huī
tire mast-e-bāda-e-shauq ne na kabhī paḌhī na adā huī
tire daur-daura-e-ishq meñ mirī ek rañg se kaT ga.ī
na sitam huā na karam huā na jafā huī na vafā huī
mujhe ġhair-e-ijz-o-niyāz ne tire dar pe jā ke jhukā diyā
na to koī ahd likhā gayā na to koī rasm adā huī
mirā dil bhī thā mirī jaañ bhī thī na vahī rahā na yahī rahī
mujhe kyā ḳhabar ki vo kyā huā mujhe kyā ḳhabar ki ye kyā huī
mirī umr 'muztar'-e-ḳhasta-dil kaTī ranj-o-dard-o-firāq meñ
na kisī se merī davā huī na davā se mujh ko shifā huī
wo qaza ke ranj mein jaan den ki namaz jin ki qaza hui
tere mast-e-baada-e-shauq ne na kabhi paDhi na ada hui
tere daur-daura-e-ishq mein meri ek rang se kaT gai
na sitam hua na karam hua na jafa hui na wafa hui
mujhe ghair-e-ijz-o-niyaz ne tere dar pe ja ke jhuka diya
na to koi ahd likha gaya na to koi rasm ada hui
mera dil bhi tha meri jaan bhi thi na wahi raha na yahi rahi
mujhe kya KHabar ki wo kya hua mujhe kya KHabar ki ye kya hui
meri umr 'muztar'-e-KHasta-dil kaTi ranj-o-dard-o-firaq mein
na kisi se meri dawa hui na dawa se mujh ko shifa hui
Source:
Khirman (Part-1) (Pg. 380)
- Author: Muztar Khairabadi
-
- Edition: 2015
- Publisher: Javed Akhtar
- Year of Publication: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
