wo raushni hai ki aankhon ko kuchh sujhai na de
vo raushnī hai ki āñkhoñ ko kuchh sujhā.ī na de
sukūt vo ki dhamāka bhī ab sunā.ī na de
pahuñch gayā huuñ zamān o makān ke malbe tak
mirī anā mujhe ilzām-e-nā-rasā.ī na de
agar kahīñ hai to dil chiir kar dikhā mujh ko
tū apnī zaat kā irfān de ḳhudā.ī na de
azal ke TūTte rishtoñ kī is kashākash meñ
pukār aisī adā se mujhe sunā.ī na de
nikal chukā huuñ maiñ apnī kamān se aage
ta.alluqāt-e-guzishta kī ab duhā.ī na de
wo raushni hai ki aankhon ko kuchh sujhai na de
sukut wo ki dhamaka bhi ab sunai na de
pahunch gaya hun zaman o makan ke malbe tak
meri ana mujhe ilzam-e-na-rasai na de
agar kahin hai to dil chir kar dikha mujh ko
tu apni zat ka irfan de KHudai na de
azal ke TuTte rishton ki is kashakash mein
pukar aisi ada se mujhe sunai na de
nikal chuka hun main apni kaman se aage
talluqat-e-guzishta ki ab duhai na de
Source:
paalkii kahkashaa.n (Pg. 158)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
