wo sanam jab sun basa dida-e-hairan mein aa

vo sanam jab suuñ basā dīda-e-hairān meñ aa

ātish-e-ishq paḌī aql ke sāmān meñ aa

naaz detā nahīñ gar ruḳhsat-e-gul-gasht-e-chaman

ai chaman-zār-e-hayā dil ke gulistān meñ aa

aish hai aish ki us mah kā ḳhayāl-e-raushan

sham.a raushan kiyā mujh dil ke shabistāñ meñ aa

yaad aatā hai mujhe vo do gul-e-bāġh-e-vafā

ashk karte haiñ makāñ gosha-e-dāmān meñ aa

mauj-e-betābī-e-dil ashk meñ huī jalva-numā

jab basī zulf-e-sanam tab-e-pareshān meñ aa

nāla-o-āh kī tafsīl na pūchho mujh suuñ

daftar-e-dard basā ishq ke dīvān meñ aa

panja-e-ishq ne betāb kiyā jab suuñ mujhe

chāk-e-dil tab suuñ basā chāk-e-garebān meñ aa

dekh ai ahl-e-nazar sabza-e-ḳhat meñ lab-e-lāl

rañg-e-yāqūt chhupā hai ḳhat-e-raihān meñ aa

husn thā parda-e-tajrīd meñ sab suuñ āzād

tālib-e-ishq huā sūrat-e-insān meñ aa

shaiḳh yahāñ baat tirī pesh na jaave hargiz

aql kuuñ chhoḌ ke mat majlis-e-rindān meñ aa

dard-mandāñ ko ba-juz dard nahīñ said murād

ai shah-e-malk-e-junūñ ġham ke bayābān meñ aa

hākim-e-vaqt hai tujh ghar meñ raqīb-e-bad-ḳhū

dev muḳhtār huā mulk-e-sulaimān meñ aa

chashma-e-āb-e-baqā jag meñ kiyā hai hāsil

yūsuf-e-husn tire chāh-e-zanaḳhdān meñ aa

jag ke ḳhūbāñ kā namak ho ke namak-parvarda

chhup rahā aa ke tire lab ke namak-dān meñ aa

bas ki mujh haal suuñ ham-sar hai pareshānī meñ

dard kahtī hai mirā zulf tire kaan meñ aa

ġham suuñ tere hai tarahhum kā mahal hāl-e-'valī'

zulm ko chhoḌ sajan sheva-e-ehsān meñ aa

wo sanam jab sun basa dida-e-hairan mein aa

aatish-e-ishq paDi aql ke saman mein aa

naz deta nahin gar ruKHsat-e-gul-gasht-e-chaman

ai chaman-zar-e-haya dil ke gulistan mein aa

aish hai aish ki us mah ka KHayal-e-raushan

shama raushan kiya mujh dil ke shabistan mein aa

yaad aata hai mujhe wo do gul-e-bagh-e-wafa

ashk karte hain makan gosha-e-daman mein aa

mauj-e-betabi-e-dil ashk mein hui jalwa-numa

jab basi zulf-e-sanam tab-e-pareshan mein aa

nala-o-ah ki tafsil na puchho mujh sun

daftar-e-dard basa ishq ke diwan mein aa

panja-e-ishq ne betab kiya jab sun mujhe

chaak-e-dil tab sun basa chaak-e-gareban mein aa

dekh ai ahl-e-nazar sabza-e-KHat mein lab-e-lal

rang-e-yaqut chhupa hai KHat-e-raihan mein aa

husn tha parda-e-tajrid mein sab sun aazad

talib-e-ishq hua surat-e-insan mein aa

shaiKH yahan baat teri pesh na jawe hargiz

aql kun chhoD ke mat majlis-e-rindan mein aa

dard-mandan ko ba-juz dard nahin said murad

ai shah-e-malk-e-junun gham ke bayaban mein aa

hakim-e-waqt hai tujh ghar mein raqib-e-bad-KHu

dew muKHtar hua mulk-e-sulaiman mein aa

chashma-e-ab-e-baqa jag mein kiya hai hasil

yusuf-e-husn tere chah-e-zanaKHdan mein aa

jag ke KHuban ka namak ho ke namak-parwarda

chhup raha aa ke tere lab ke namak-dan mein aa

bas ki mujh haal sun ham-sar hai pareshani mein

dard kahti hai mera zulf tere kan mein aa

gham sun tere hai tarahhum ka mahal haal-e-'wali'

zulm ko chhoD sajan shewa-e-ehsan mein aa