یا پھر تم خوابوں کے ذریعہ آ جانا

یا پھر تم خوابوں کے ذریعہ آ جانا

جیسے بھی ہو لیکن ملنے آ جانا

تھوڑی دیر میں دنیا آنے والی ہے

تم دنیا سے تھوڑا پہلے آ جانا

اب میں اپنی ذات میں بٹنے والا ہوں

تم چاہو تو دل کے حصے آ جانا

مجھ سے ملنے کا جب بھی جی چاہے تو

بن کچھ سمجھے بن کچھ سوچے آ جانا

میں تم سے کچھ دور ہی ہوں گر چاہو تو

میری جانب گھومتے پھرتے آ جانا

اس سے لڑ کر اس کو ستانے کا من ہے

وقت پہ اے کم ظرف ارادے آ جانا

تیرا رستہ کتنا پیچیدہ نکلا

تو بولا تھا سیدھے سیدھے آ جانا