yaad kar wo din ki tera koi saudai na tha

yaad kar vo din ki terā koī saudā.ī na thā

bāvajūd-e-husn tū āgāh-e-rānā.ī na thā

ishq-e-roz-afzūñ pe apne mujh ko hairānī na thī

jalva-e-rañgīñ pe tujh ko nāz-e-yaktā.ī na thā

diid ke qābil thī mere ishq kī bhī sādgī

jabki terā husn sargarm-e-ḳhud-ārā.ī na thā

kyā hue vo din ki mahv-e-ārzū the husn o ishq

rabt thā donoñ meñ go rabt-e-shanāsā.ī na thā

tū ne 'hasrat' kī ayaañ tahzīb-e-rasm-e-āshiqī

is se pahle e'tibār-e-shān-e-rusvā.ī na thā

yaad kar wo din ki tera koi saudai na tha

bawajud-e-husn tu aagah-e-ranai na tha

ishq-e-roz-afzun pe apne mujh ko hairani na thi

jalwa-e-rangin pe tujh ko naz-e-yaktai na tha

did ke qabil thi mere ishq ki bhi sadgi

jabki tera husn sargarm-e-KHud-arai na tha

kya hue wo din ki mahw-e-arzu the husn o ishq

rabt tha donon mein go rabt-e-shanasai na tha

tu ne 'hasrat' ki ayan tahzib-e-rasm-e-ashiqi

is se pahle e'tibar-e-shan-e-ruswai na tha