yaad rakhte kis tarah qisse kahani log the

yaad rakhte kis tarah qisse kahānī log the

vo yahāñ ke the nahīñ vo āsmānī log the

sūkhe peḌoñ kī qatāreñ roktīñ kab tak unheñ

uḌ ga.e karte bhī kyā barg-e-ḳhizānī log the

zindagī āñkhoñ pe rakh kar haath pīchhe chhup ga.ī

darmiyāñ rah kar bhī sab ke āñ-jahānī log the

kal yahīñ par lahlahātī thiiñ hañsī kī khetiyāñ

kal yahīñ par kaise kaise za.afrānī log the

TuuT kar bikhre hue haiñ qurbatoñ ke silsile

chhup ga.e jaane kahāñ jo darmiyānī log the

ḳhushk miTTī ban ga.e to būñdiyāñ nahlā ga.iiñ

aur hameñ kyā chāhiye thā aag paanī log the

yaad rakhte kis tarah qisse kahani log the

wo yahan ke the nahin wo aasmani log the

sukhe peDon ki qataren roktin kab tak unhen

uD gae karte bhi kya barg-e-KHizani log the

zindagi aankhon pe rakh kar hath pichhe chhup gai

darmiyan rah kar bhi sab ke aan-jahani log the

kal yahin par lahlahati thin hansi ki khetiyan

kal yahin par kaise kaise zafrani log the

TuT kar bikhre hue hain qurbaton ke silsile

chhup gae jaane kahan jo darmiyani log the

KHushk miTTi ban gae to bundiyan nahla gain

aur hamein kya chahiye tha aag pani log the