yaadash-ba-KHair hai wahi chehra KHayal mein
yādash-ba-ḳhair hai vahī chehra ḳhayāl meñ
sau jannateñ javān haiñ goyā ḳhayāl meñ
kis shaan se sharīk tirī anjuman meñ haiñ
baiThe hoñ jaise ham kahīñ tanhā ḳhayāl meñ
guzrā hai ishq hī meñ ye aalam bhī muddatoñ
thī shaam zehn meñ na saverā ḳhayāl meñ
dekhā thā ḳhvāb meñ unheñ nādim to kyā kaheñ
kyuuñ ab tak aa rahā hai pasīna ḳhayāl meñ
allāh re ye maqām tire tishna-kām kā
sūkhe paḌe haiñ saare hī dariyā ḳhayāl meñ
jugnū se yak-ba-yak jo fazā meñ chamak uThe
ye kaun thā abhī abhī kyā thā ḳhayāl meñ
ai 'dil' ajab vo shahr-e-sitam thā ki aaj tak
hai koī adh-khulā sā darīcha ḳhayāl meñ
yaadash-ba-KHair hai wahi chehra KHayal mein
sau jannaten jawan hain goya KHayal mein
kis shan se sharik teri anjuman mein hain
baiThe hon jaise hum kahin tanha KHayal mein
guzra hai ishq hi mein ye aalam bhi muddaton
thi sham zehn mein na sawera KHayal mein
dekha tha KHwab mein unhen nadim to kya kahen
kyun ab tak aa raha hai pasina KHayal mein
allah re ye maqam tere tishna-kaam ka
sukhe paDe hain sare hi dariya KHayal mein
jugnu se yak-ba-yak jo faza mein chamak uThe
ye kaun tha abhi abhi kya tha KHayal mein
ai 'dil' ajab wo shahr-e-sitam tha ki aaj tak
hai koi adh-khula sa daricha KHayal mein
Source:
Aaina-e-Dil (Pg. 33)
- Author: Dil Ayubi
-
- Edition: 1995
- Publisher: Nazish Book Center Lahore
- Year of Publication: 1995
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
