aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

yaadon ka ajib silsila hai

Farigh Bukhari

yaadon ka ajib silsila hai

Farigh Bukhari

MORE BYFarigh Bukhari

    yādoñ ajiib silsila hai

    soyā huā dard jaag uThā hai

    miT bhī chuke naqsh-e-pā magar dil

    mahkī huī chaap sun rahā hai

    jaltī huī manziloñ raahī

    ab apnā saaya DhūñDhtā hai

    dīvāreñ khaḌī huī haiñ lekin

    andar se makān gir rahā hai

    pūchhe hai chaTak ke ġhuncha-e-zaḳhm

    ai ajnabī terā naam kyā hai

    sochoñ ke athāh pāniyoñ meñ

    dil barf phuul ban gayā hai

    kis shola-badan yaad aa.ī

    dāmān-e-ḳhayāl jal uThā hai

    taḳhlīq meñ ḳhud chhupā huā hai

    fankār bhī fitratan ḳhudā hai

    murjhā ke har ek zard patta

    āveza-e-gosh ban gayā hai

    sochā hai ye maiñ ne ke aksar

    nashshe meñ ye raushnī kyā hai

    shāḳhoñ pe pūjāraneñ sajī haiñ

    har phuul chaman devtā hai

    sahrā-e-vafā meñ mere fan

    ḳhushbū charāġh jal rahā hai

    phir pā.eñge ḳhaak se numū ham

    'fāriġh' ye usūl-e-irtiqā hai

    iz.hār jis ko hausla hai

    vo apnī sadī devtā hai

    mansūr se kam nahīñ hai vo bhī

    jo apnī zabāñ se boltā hai

    vo peḌ hai zindagī azmat

    jo tund havā se laḌ rahā hai

    qātil ko duā.eñ do ki 'fāriġh'

    har zaḳhm-e-vafā ġhazal-sarā hai

    yaadon ka ajib silsila hai

    soya hua dard jag uTha hai

    miT bhi chuke naqsh-e-pa magar dil

    mahki hui chap sun raha hai

    jalti hui manzilon ka rahi

    ab apna hi saya DhunDhta hai

    diwaren khaDi hui hain lekin

    andar se makan gir raha hai

    puchhe hai chaTak ke ghuncha-e-zaKHm

    ai ajnabi tera nam kya hai

    sochon ke athah paniyon mein

    dil barf ka phul ban gaya hai

    kis shola-badan ki yaad aai

    daman-e-KHayal jal uTha hai

    taKHliq mein KHud chhupa hua hai

    fankar bhi fitratan KHuda hai

    murjha ke har ek zard patta

    aaweza-e-gosh ban gaya hai

    socha hai ye main ne pi ke aksar

    nashshe mein ye raushni si kya hai

    shaKHon pe pujaranen saji hain

    har phul chaman ka dewta hai

    sahra-e-wafa mein mere fan ki

    KHushbu ka charagh jal raha hai

    phir paenge KHak se numu hum

    'farigh' ye usul-e-irtiqa hai

    izhaar ka jis ko hausla hai

    wo apni sadi ka dewta hai

    mansur se kam nahin hai wo bhi

    jo apni zaban se bolta hai

    wo peD hai zindagi ki azmat

    jo tund hawa se laD raha hai

    qatil ko duaen do ki 'farigh'

    har zaKHm-e-wafa ghazal-sara hai

    Source:

    Range-e-Gazal (Pg. 298)

    • Author: shahzaad ahmad
      • Edition: 1988
      • Publisher: Ali Printers, 19-A Abate Road, Lahore
      • Year of Publication: 1988
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now