yaadon ke saeban mein basar kar rahi hai raat
yaadon ke saeban mein basar kar rahi hai raat
Najma Shaheen Khosa
MORE BYNajma Shaheen Khosa
yādoñ ke sā.ebāñ meñ basar kar rahī hai raat
ḳhāke meñ zindagī ke dhanak bhar rahī hai raat
mujh se hai ham-kalām yā tujh se hai us kī baat
vīrān rāstoñ kā safar kar rahī hai raat
muddat se jal rahe haiñ yahāñ aas ke diye
bujhte charāġh ko bhī qamar kar rahī hai raat
un kī mahak hai aaj mire dil se duur kyuuñ
phūloñ se jholiyoñ ko agar bhar rahī hai raat
dil ko kiyā malūl aur vīrān aañkh ko
kuchh yuuñ bhī jism-o-jāñ meñ qadam dhar rahī hai raat
rakh kar ridā-e-ishq meñ kuchh phuul aur ḳhvāb
'shāhīn' aaj merī tarah mar rahī hai raat
yaadon ke saeban mein basar kar rahi hai raat
KHake mein zindagi ke dhanak bhar rahi hai raat
mujh se hai ham-kalam ya tujh se hai us ki baat
viran raston ka safar kar rahi hai raat
muddat se jal rahe hain yahan aas ke diye
bujhte charagh ko bhi qamar kar rahi hai raat
un ki mahak hai aaj mere dil se dur kyun
phulon se jholiyon ko agar bhar rahi hai raat
dil ko kiya malul aur viran aankh ko
kuchh yun bhi jism-o-jaan mein qadam dhar rahi hai raat
rakh kar rida-e-ishq mein kuchh phul aur KHwab
'shahin' aaj meri tarah mar rahi hai raat
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
