ye āh-o-fuġhāñ kyuuñ hai dil-e-zār ke aage
kahte haiñ ki rote nahīñ bīmār ke aage
phir maut kā hai sāmnā allāh bachā.e
phir dil liye jaatā hai sitamgar ke aage
bikne ke liye aap na bāzār meñ aa.e
bhijvā diyā yūsuf ko ḳharīdār ke aage
mun.im ko mubārak ye naqīb aur jilau-dār
allāh hī allāh hai nādār ke aage
zid karte ho kyuuñ tiir na pahuñcheñge hadaf tak
armān hazāroñ haiñ dil-e-zār ke aage
sargarm-e-suḳhan huuñ dil-e-vārafta se is tarah
jaise koī bāteñ kare dīvār ke aage
ye aah-o-fughan kyun hai dil-e-zar ke aage
kahte hain ki rote nahin bimar ke aage
phir maut ka hai samna allah bachae
phir dil liye jata hai sitamgar ke aage
bikne ke liye aap na bazar mein aae
bhijwa diya yusuf ko KHaridar ke aage
munim ko mubarak ye naqib aur jilau-dar
allah hi allah hai nadar ke aage
zid karte ho kyun tir na pahunchenge hadaf tak
arman hazaron hain dil-e-zar ke aage
sargarm-e-suKHan hun dil-e-warafta se is tarah
jaise koi baaten kare diwar ke aage
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
