ye baat alag dil ko teri yaad ne bandha

ye baat alag dil ko tirī yaad ne bāñdhā

is said ko varna kahāñ sayyād ne bāñdhā

kūcha ye koī aur hī ābād karegā

sāmān jo ab ke dil-e-barbād ne bāñdhā

is shahr ko ab chhoḌ ke kyā jā.ūñ ki mujh ko

rokā hai kisī aah ne fariyād ne bāñdhā

jo us kī talab hai vahī ab merī talab hai

kis sehr se mujh ko mire ham-zād ne bāñdhā

hamvār huī raah na rasta hī khulā hai

baazū se to ta.avīz bhī afrād ne bāñdhā

ik koh-e-girāñ toḌ diyā par nahīñ toḌā

paimān-e-vafā jab kisī farhād ne bāñdhā

shāgird ke ab sher se hotā hai barāmad

mazmūn bahut pahle jo ustād ne bāñdhā

'fārūq' nazar ho ga.ī markūz usī par

kyā ḳhuub adāoñ se parī-zād ne bāñdhā

ye baat alag dil ko teri yaad ne bandha

is said ko warna kahan sayyaad ne bandha

kucha ye koi aur hi aabaad karega

saman jo ab ke dil-e-barbaad ne bandha

is shahr ko ab chhoD ke kya jaun ki mujh ko

roka hai kisi aah ne fariyaad ne bandha

jo us ki talab hai wahi ab meri talab hai

kis sehr se mujh ko mere ham-zad ne bandha

hamwar hui rah na rasta hi khula hai

bazu se to tawiz bhi afrad ne bandha

ek koh-e-giran toD diya par nahin toDa

paiman-e-wafa jab kisi farhad ne bandha

shagird ke ab sher se hota hai baramad

mazmun bahut pahle jo ustad ne bandha

'faruq' nazar ho gai markuz usi par

kya KHub adaon se pari-zad ne bandha