aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye furqaton mein lamha-e-visal kaise aa gaya

Farhat Nadeem Humayun

ye furqaton mein lamha-e-visal kaise aa gaya

Farhat Nadeem Humayun

MORE BYFarhat Nadeem Humayun

    ye furqatoñ meñ lamha-e-visāl kaise aa gayā

    mohabbatoñ meñ phir nayā ubaal kaise aa gayā

    jise jahāñ ke mashġhaloñ meñ apnā hosh bhī na thā

    achānak aaj use mirā ḳhayāl kaise aa gayā

    abhī talak to mere saare zaḳhm the hare-bhare

    yakāyak un ko kār-e-indimāl kaise aa gayā

    judā.ī bas ek pal girāñ thā zindagī pe jab

    to darmiyān bahr-e-māh-o-sāl kaise aa gayā

    abhī talak thiiñ vaqt tanābeñ us ke haath meñ

    adam farāġhatoñ phir savāl kaise aa gayā

    mire zarā se dard par taḌap thī jis dīdanī

    use sitamgarī ye kamāl kaise aa gayā

    'nadīm' apnī chāhatoñ pe naaz thā tumheñ bahut

    to phir tumhāre ishq par zavāl kaise aa gayā

    ye furqaton mein lamha-e-visal kaise aa gaya

    mohabbaton mein phir naya ubaal kaise aa gaya

    jise jahan ke mashghalon mein apna hosh bhi na tha

    achanak aaj use mera KHayal kaise aa gaya

    abhi talak to mere sare zaKHm the hare-bhare

    yakayak un ko kar-e-indimal kaise aa gaya

    judai ka bas ek pal giran tha zindagi pe jab

    to darmiyan bahr-e-mah-o-sal kaise aa gaya

    abhi talak thin waqt ki tanaben us ke hath mein

    adam faraghaton ka phir sawal kaise aa gaya

    mere zara se dard par taDap thi jis ki didani

    use sitamgari ka ye kamal kaise aa gaya

    'nadim' apni chahaton pe naz tha tumhein bahut

    to phir tumhaare ishq par zawal kaise aa gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now