ye hujum-e-rasm-o-rah duniya ki pabandi bhi hai
ye hujum-e-rasm-o-rah duniya ki pabandi bhi hai
Ghulam Rabbani Taban
MORE BYGhulam Rabbani Taban
ye hujūm-e-rasm-o-rah duniyā kī pābandī bhī hai
ġhāliban kuchh shaiḳh ko zom-e-ḳhirad-mandī bhī hai
bijliyoñ se sāzisheñ bhī kar rahā hai bāġhbāñ
ham chaman vāloñ ko hukm-e-āshiyāñ-bandī bhī hai
hazrat-e-dil ko ḳhudā rakkhe vahī haiñ shorisheñ
dard-e-mahrūmī bhī soz-e-ārzūmandī bhī hai
mai-kade kī istelāhoñ meñ bahut kuchh kah ga.e
varna is mahfil meñ dastūr-e-zabāñ-bandī bhī hai
us ke jalvoñ kī fusūñ-sāzī musallam hai magar
kuchh nigāh-e-shauq kī is meñ hunar-mandī bhī hai
us ne 'tābāñ' kar diyā āzād ye kah kar ki jā
terī āzādī meñ ik shān-e-nazar-bandī bhī hai
ye hujum-e-rasm-o-rah duniya ki pabandi bhi hai
ghaaliban kuchh shaiKH ko zom-e-KHirad-mandi bhi hai
bijliyon se sazishen bhi kar raha hai baghban
hum chaman walon ko hukm-e-ashiyan-bandi bhi hai
hazrat-e-dil ko KHuda rakkhe wahi hain shorishen
dard-e-mahrumi bhi soz-e-arzumandi bhi hai
mai-kade ki istelahon mein bahut kuchh kah gae
warna is mahfil mein dastur-e-zaban-bandi bhi hai
us ke jalwon ki fusun-sazi musallam hai magar
kuchh nigah-e-shauq ki is mein hunar-mandi bhi hai
us ne 'taban' kar diya aazad ye kah kar ki ja
teri aazadi mein ek shan-e-nazar-bandi bhi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
