aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye jitni der hui shaiKH ko wuzu karte

Riyaz Khairabadi

ye jitni der hui shaiKH ko wuzu karte

Riyaz Khairabadi

MORE BYRiyaz Khairabadi

    ye jitnī der huī shaiḳh ko vuzū karte

    ham utnī der meñ ḳhālī ḳhum-o-subū karte

    shikār bhī bat-e-mai kinār-e-jū karte

    vahīñ namāz bhī paḌhte vahīñ vuzū karte

    kalīm baat baḌhāte na guftugū karte

    lab-e-ḳhamosh se iz.hār-e-ārzū karte

    hasīn bhī hoñ ḳhush-āvāz bhī farishta-e-qabr

    kaTī hai umr hasīnoñ se guftugū karte

    hamārī bhuul sāgar ye gul agar bante

    to aur rañg se izhār-e-rañg-o-bū karte

    girāte yūñhī sar-e-tūr bijliyāñ ham par

    agar hijāb thā parde se guftugū karte

    ye dāġh-e-mai haiñ bure phailte sar-e-dāman

    jo āb-e-zamzam-o-kausar se ham vuzū karte

    hameñ ḳhudā ke sivā kuchh nazar nahīñ aatā

    nikal ga.e haiñ bahut duur justujū karte

    paḌī hai ḳhū-e-subūhī darāz hai shab-e-gor

    uTheñge hashr ke din ham subū subū karte

    masak gayā hai kisī zarā dāman-e-gul

    jagah jagah se sisaktā jo tum rafū karte

    ba-qadr-e-zarf-e-vuzū mai jo miltī paanī

    siyāh-rū bhī dam-e-hashr shust-o-shū karte

    na thā shabāb kamar meñ 'riyāz' zar hotā

    to din buḌhāpe ke bhī nazr-e-lucknow karte

    ye jitni der hui shaiKH ko wuzu karte

    hum utni der mein KHali KHum-o-subu karte

    shikar bhi bat-e-mai ka kinar-e-ju karte

    wahin namaz bhi paDhte wahin wuzu karte

    kalim baat baDhate na guftugu karte

    lab-e-KHamosh se izhaar-e-arzu karte

    hasin bhi hon KHush-awaz bhi farishta-e-qabr

    kaTi hai umr hasinon se guftugu karte

    hamari bhul ka sagar ye gul agar bante

    to aur rang se izhaar-e-rang-o-bu karte

    giraate yunhi sar-e-tur bijliyan hum par

    agar hijab tha parde se guftugu karte

    ye dagh-e-mai hain bure phailte sar-e-daman

    jo aab-e-zamzam-o-kausar se hum wuzu karte

    hamein KHuda ke siwa kuchh nazar nahin aata

    nikal gae hain bahut dur justuju karte

    paDi hai KHu-e-subuhi daraaz hai shab-e-gor

    uThenge hashr ke din hum subu subu karte

    masak gaya hai kisi ka zara sa daman-e-gul

    jagah jagah se sisakta jo tum rafu karte

    ba-qadr-e-zarf-e-wuzu mai jo milti pani si

    siyah-ru bhi dam-e-hashr shust-o-shu karte

    na tha shabab kamar mein 'riyaz' zar hota

    to din buDhape ke bhi nazr-e-lucknow karte

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now