ye jo baDhti hui judai hai
ye jo baḌhtī huī judā.ī hai
shāyad āġhāz-e-be-vafā.ī hai
tū na badnām ho usī ḳhātir
saarī duniyā se āshnā.ī hai
kis qadar kashmakash ke ba.ad khulā
ishq hī ishq se rihā.ī hai
shām-e-ġham maiñ to chāñd huuñ us kā
mere ghar kyā samajh ke aa.ī hai
zaḳhm-e-dil be-hijāb ho ke ubhar
koī taqrīb-e-rū-numā.ī hai
uThtā jaatā hai hausloñ kā bharam
ik sahārā shikasta-pā.ī hai
jaan 'ālī' nahīñ paḌī āsāñ
maut ro ro ke muskurā.ī hai
ye jo baDhti hui judai hai
shayad aaghaz-e-be-wafai hai
tu na badnam ho usi KHatir
sari duniya se aashnai hai
kis qadar kashmakash ke baad khula
ishq hi ishq se rihai hai
sham-e-gham main to chand hun us ka
mere ghar kya samajh ke aai hai
zaKHm-e-dil be-hijab ho ke ubhar
koi taqrib-e-ru-numai hai
uThta jata hai hauslon ka bharam
ek sahaara shikasta-pai hai
jaan 'ali' nahin paDi aasan
maut ro ro ke muskurai hai
Source:
Rooh-e-Ghazal,Pachas Sala Intekhab (Pg. 189)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
