aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye jo sar niche kiye baiThe hain

Jaleel Manikpuri

ye jo sar niche kiye baiThe hain

Jaleel Manikpuri

MORE BYJaleel Manikpuri

    ye jo sar nīche kiye baiThe haiñ

    jaan kitnoñ liye baiThe haiñ

    jaan ham sabza-e-ḳhat par de kar

    zahr ke ghoñT piye baiThe haiñ

    dil ko ham DhūñDte haiñ chaar taraf

    aur yahāñ aap liye baiThe haiñ

    vā.izo chheḌo na rindoñ ko bahut

    ye samajh lo ki piye baiThe haiñ

    goshe āñchal ke tire siine par

    haa.e kyā chiiz liye baiThe haiñ

    dast-e-vahshat ko ḳhabar kar de koī

    ham garebān siye baiThe haiñ

    haa.e pūchho na tasavvur ke maze

    god meñ tum ko liye baiThe haiñ

    aap ke naaz uThāne vaale

    jaan ko sabr kiye baiThe haiñ

    bal jabīñ par hai ḳhudā ḳhair kare

    aaj vo teġh liye baiThe haiñ

    is tavaqqo pe ki leñ vo talvār

    sar hathelī pe liye baiThe haiñ

    jaan de deñge tumhāre dar par

    ham ab uThne ke liye baiThe haiñ

    zikr kyā jām-o-subū ki 'jalīl'

    ek mai-ḳhāna piye baiThe haiñ

    ye jo sar niche kiye baiThe hain

    jaan kitnon ki liye baiThe hain

    jaan hum sabza-e-KHat par de kar

    zahr ke ghonT piye baiThe hain

    dil ko hum DhunDte hain chaar taraf

    aur yahan aap liye baiThe hain

    waizo chheDo na rindon ko bahut

    ye samajh lo ki piye baiThe hain

    goshe aanchal ke tere sine par

    hae kya chiz liye baiThe hain

    dast-e-wahshat ko KHabar kar de koi

    hum gareban siye baiThe hain

    hae puchho na tasawwur ke maze

    god mein tum ko liye baiThe hain

    aap ke naz uThane wale

    jaan ko sabr kiye baiThe hain

    bal jabin par hai KHuda KHair kare

    aaj wo tegh liye baiThe hain

    is tawaqqo pe ki len wo talwar

    sar hatheli pe liye baiThe hain

    jaan de denge tumhaare dar par

    hum ab uThne ke liye baiThe hain

    zikr kya jam-o-subu ka ki 'jalil'

    ek mai-KHana piye baiThe hain

    Source:

    Taaj-e-sukhan (Pg. ebook-124 page-97)

    • Author: Jang Bahadur Jalil
      • Edition: 1931
      • Publisher: Nizami Press, Lucknow
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now