ye kaise baal khole aae kyun surat bani gham ki

ye kaise baal khole aa.e kyuuñ sūrat banī ġham kī

tumhāre dushmanoñ ko kyā paḌī thī mere mātam kī

shikāyat kis se kiije haa.e kyā ulTā zamāna hai

baḌhāyā pyaar jab ham ne mohabbat yaar ne kam kī

jigar meñ dard hai dil muztarib hai jaan be kal hai

mujhe is be-ḳhudī meñ bhī ḳhabar hai apne aalam kī

nahīñ milte na miliye ḳhair koī mar na jā.egā

ḳhudā kā shukr hai pahle mohabbat aap ne kam kī

adū jis tarah tum ko dekhtā hai ham samajhte haiñ

chhupāo laakh tum chhuptī nahīñ hai aañkh mahram kī

maza is meñ hī miltā hai namak chiḌko namak chiḌko

qasam le lo nahīñ aadat mire zaḳhmoñ ko marham kī

kahāñ jaanā hai tham-tham kar chalo aisī bhī kiyā jaldī

tum hī tum ho ḳhudā rakkhe nazar paḌtī hai aalam kī

koī aisā ho ā.īna ki jis meñ tū nazar aa.e

zamāne bhar kā jhūTā kyā haqīqat sāġhar-e-jam kī

ghaTā.eñ dekh kar be-tāb hai bechain hai 'shā.ir'

tire qurbān o mutrib sunā de koī mausam kī

ye kaise baal khole aae kyun surat bani gham ki

tumhaare dushmanon ko kya paDi thi mere matam ki

shikayat kis se kije hae kya ulTa zamana hai

baDhaya pyar jab hum ne mohabbat yar ne kam ki

jigar mein dard hai dil muztarib hai jaan be kal hai

mujhe is be-KHudi mein bhi KHabar hai apne aalam ki

nahin milte na miliye KHair koi mar na jaega

KHuda ka shukr hai pahle mohabbat aap ne kam ki

adu jis tarah tum ko dekhta hai hum samajhte hain

chhupao lakh tum chhupti nahin hai aankh mahram ki

maza is mein hi milta hai namak chiDko namak chiDko

qasam le lo nahin aadat mere zaKHmon ko marham ki

kahan jaana hai tham-tham kar chalo aisi bhi kiya jaldi

tum hi tum ho KHuda rakkhe nazar paDti hai aalam ki

koi aisa ho aaina ki jis mein tu nazar aae

zamane bhar ka jhuTa kya haqiqat saghar-e-jam ki

ghaTaen dekh kar be-tab hai bechain hai 'shair'

tere qurban o mutrib suna de koi mausam ki