ye kis KHalish ne phir is dil mein aashiyana kiya
ye kis ḳhalish ne phir is dil meñ āshiyāna kiyā
phir aaj kis ne suḳhan ham se ġhā.ebāna kiyā
ġham-e-jahāñ ho ruḳh-e-yār ho ki dast-e-adū
sulūk jis se kiyā ham ne āshiqāna kiyā
the ḳhāk-e-rāh bhī ham log qahr-e-tūfāñ bhī
sahā to kyā na sahā aur kiyā to kyā na kiyā
ḳhushā ki aaj har ik mudda.ī ke lab par hai
vo raaz jis ne hameñ rāñda-e-zamāna kiyā
vo hīla-gar jo vafā-jū bhī hai jafā-ḳhū bhī
kiyā bhī 'faiz' to kis but se dostāna kiyā
ye kis KHalish ne phir is dil mein aashiyana kiya
phir aaj kis ne suKHan hum se ghaebana kiya
gham-e-jahan ho ruKH-e-yar ho ki dast-e-adu
suluk jis se kiya hum ne aashiqana kiya
the KHak-e-rah bhi hum log qahr-e-tufan bhi
saha to kya na saha aur kiya to kya na kiya
KHusha ki aaj har ek muddai ke lab par hai
wo raaz jis ne hamein randa-e-zamana kiya
wo hila-gar jo wafa-ju bhi hai jafa-KHu bhi
kiya bhi 'faiz' to kis but se dostana kiya
Source:
Nuskha Hai Wafa (Pg. 553)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
