ye kis ne bharam apni zamin ka nahin rakkha

ye kis ne bharam apnī zamīñ kā nahīñ rakkhā

ham jis ke rahe us ne kahīñ kā nahīñ rakkhā

dekhā ki abhī ruuh meñ fariyād-kunāñ hai

sajda jise pāband jabīñ kā nahīñ rakkhā

afsos ki inkār kī manzil nahīñ aa.ī

har chand ki dar band nahīñ kā nahīñ rakkhā

aur apnī tarah ke yahāñ sālik haiñ ka.ī aur

har shaḳhs par ilzām yaqīñ kā nahīñ rakkhā

gulzār khilā.e jahāñ bāzār lagā.e

ham ḳhāk-nashīnoñ ko vahīñ kā nahīñ rakhā

ek aisī qanā.at hai tabī.at meñ ki jis ne

mohtāj hameñ nān-e-javīñ kā nahīñ rakkhā

us ghar ke muqaddar meñ tabāhī na likhī ho

vo jis ne ḳhayāl apne makīñ kā nahīñ rakkhā

ye kis ne bharam apni zamin ka nahin rakkha

hum jis ke rahe us ne kahin ka nahin rakkha

dekha ki abhi ruh mein fariyaad-kunan hai

sajda jise paband jabin ka nahin rakkha

afsos ki inkar ki manzil nahin aai

har chand ki dar band nahin ka nahin rakkha

aur apni tarah ke yahan salik hain kai aur

har shaKHs par ilzam yaqin ka nahin rakkha

gulzar khilae jahan bazar lagae

hum KHak-nashinon ko wahin ka nahin rakha

ek aisi qanaat hai tabiat mein ki jis ne

mohtaj hamein nan-e-jawin ka nahin rakkha

us ghar ke muqaddar mein tabahi na likhi ho

wo jis ne KHayal apne makin ka nahin rakkha