ye kis se aaj barham ho gai hai

ye kis se aaj barham ho ga.ī hai

ki zulf-e-yār pur-ḳham ho ga.ī hai

Tapak paḌte haiñ vaqt-e-sub.h aañsū

ye aadat misl-e-shabnam ho ga.ī hai

ba-zāhir garm hai bāzār-e-ulfat

magar jins-e-vafā kam ho ga.ī hai

zahe tāsīr-e-kū-e-ḳhāk-e-jānāñ

mire zaḳhmoñ pe marham ho ga.ī hai

bas ai dast-e-ajal kuchh rahm bhī kar

ki duniyā bazm-e-mātam ho ga.ī hai

nahīñ ḳhauf-e-shab-e-hijrāñ mujhe ab

mirī ġham-ḳhvār o hamdam ho ga.ī hai

yahī hālat hai ik muddat se 'mahrūm'

tabī.at ḳhūgar-e-ġham ho ga.ī hai

ye kis se aaj barham ho gai hai

ki zulf-e-yar pur-KHam ho gai hai

Tapak paDte hain waqt-e-subh aansu

ye aadat misl-e-shabnam ho gai hai

ba-zahir garm hai bazar-e-ulfat

magar jins-e-wafa kam ho gai hai

zahe tasir-e-ku-e-KHak-e-jaanan

mere zaKHmon pe marham ho gai hai

bas ai dast-e-ajal kuchh rahm bhi kar

ki duniya bazm-e-matam ho gai hai

nahin KHauf-e-shab-e-hijran mujhe ab

meri gham-KHwar o hamdam ho gai hai

yahi haalat hai ek muddat se 'mahrum'

tabiat KHugar-e-gham ho gai hai