ye kya ki pahle qarib hona bana ke chalna hai fasla phir

ye kyā ki pahle qarīb honā banā ke chalnā hai fāsla phir

ki dasht-e-qurbat meñ ḳhud hī khonā talāsh karnā hai rāstā phir

safar huā thā jahāñ se jaarī usī jagah par hai lauTnā phir

qadam qadam hādsoñ se laḌnā na ham se hogā ye hausla phir

use udāsī meñ yaad karnā ki yaad kar ke udaas honā

ye pūchh ham se hai kitnā mushkil bikharnā aur ḳhud ko joḌnā phir

ho āj-kal tum nahīñ rahoge koī to legā jagah tumhārī

jahāñ thamā thā vahīñ se lekin shurūa hogā ye silsila phir

nazar jo aa.e vo sach nahīñ hai nazar ko kyuuñ kar nazar bhī aa.e

ki gard chehre se mat haTāo lo toḌ Daalo ye aa.ina phir

hameñ jazīre pe jab utārā to is safīne pe naaz kyuuñ ho

ki bahr-e-hastī kā hai ye hāsil to is se behtar thā Dūbnā phir

koī yahāñ muskurā rahā hai kisī ke aañsū chhalak rahe haiñ

sunā hai maiñ ne mushā.ere meñ huā hai 'tālib' ġhazal-sarā phir

ye kya ki pahle qarib hona bana ke chalna hai fasla phir

ki dasht-e-qurbat mein KHud hi khona talash karna hai rasta phir

safar hua tha jahan se jari usi jagah par hai lauTna phir

qadam qadam hadson se laDna na hum se hoga ye hausla phir

use udasi mein yaad karna ki yaad kar ke udas hona

ye puchh hum se hai kitna mushkil bikharna aur KHud ko joDna phir

ho aaj-kal tum nahin rahoge koi to lega jagah tumhaari

jahan thama tha wahin se lekin shurua hoga ye silsila phir

nazar jo aae wo sach nahin hai nazar ko kyun kar nazar bhi aae

ki gard chehre se mat haTao lo toD Dalo ye aaina phir

hamein jazire pe jab utara to is safine pe naz kyun ho

ki bahr-e-hasti ka hai ye hasil to is se behtar tha Dubna phir

koi yahan muskura raha hai kisi ke aansu chhalak rahe hain

suna hai main ne mushaere mein hua hai 'talib' ghazal-sara phir