ye mera wahima hai ya KHuda mahsus hota hai

ye merā vāhima hai yā ḳhudā mahsūs hotā hai

mujhe tanhā.ī meñ ik dūsrā mahsūs hotā hai

jise maiñ intihā.ī qurb meñ bhī chhū nahīñ saktā

mujhe vo duur se be-intihā mahsūs hotā hai

kabhī pahle nahīñ bole the itne ghar ke darvāze

ziyāda tez hai ab ke havā mahsūs hotā hai

sabhī chāo-rachāo aaj bhī hai ibtidā jaisā

purānā 'ishq bhī kaisā nayā mahsūs hotā hai

banī is tarh us ke jism kī taz.īn-e-goyā.ī

ki chup baiThā bhī ho to boltā mahsūs hotā hai

mirī ḳhvāhish meñ shāyad koī pahlū hai ḳharābī kā

qubūl ab ke nahīñ hogī du'ā mahsūs hotā hai

mujhe mā'lūm hai merā muḳhālif hai magar 'āsim'

mujhe vo aadmī bilkul kharā mahsūs hotā hai

ye mera wahima hai ya KHuda mahsus hota hai

mujhe tanhai mein ek dusra mahsus hota hai

jise main intihai qurb mein bhi chhu nahin sakta

mujhe wo dur se be-intiha mahsus hota hai

kabhi pahle nahin bole the itne ghar ke darwaze

ziyaada tez hai ab ke hawa mahsus hota hai

sabhi chao-rachao aaj bhi hai ibtida jaisa

purana 'ishq bhi kaisa naya mahsus hota hai

bani is tarh us ke jism ki tazin-e-goyai

ki chup baiTha bhi ho to bolta mahsus hota hai

meri KHwahish mein shayad koi pahlu hai KHarabi ka

qubul ab ke nahin hogi du'a mahsus hota hai

mujhe ma'lum hai mera muKHalif hai magar 'asim'

mujhe wo aadmi bilkul khara mahsus hota hai