ye meri ruh siyah raat mein nikli hai kahan
ye mirī ruuh siyah raat meñ niklī hai kahāñ
badan-e-ishq se aage koī bastī hai kahāñ
tum ne nazrāne guzāre the kahāñ baañT diye
saath jo umr gizārī thī vo rakh dī hai kahāñ
mere a.asāb pe lahrātī huī shāḳh-e-gulāb
aaj vo haath hilātī huī laḌkī hai kahāñ
ek hī chāñd ko taktā huā be-nām paḌos
ek hī chāñd dikhātī huī khiḌkī hai kahāñ
naf.a o nuqsān se muñh moḌe hue baiThī hai
merī maġhrūr tamannā mirī suntī hai kahāñ
pahle sar kī ye shikāyat thī falak ūñchā hai
ab mire paañv ye kahte haiñ ki dhartī hai kahāñ
ye meri ruh siyah raat mein nikli hai kahan
badan-e-ishq se aage koi basti hai kahan
tum ne nazrane guzare the kahan banT diye
sath jo umr gizari thi wo rakh di hai kahan
mere aasab pe lahraati hui shaKH-e-gulab
aaj wo hath hilati hui laDki hai kahan
ek hi chand ko takta hua be-nam paDos
ek hi chand dikhati hui khiDki hai kahan
nafa o nuqsan se munh moDe hue baiThi hai
meri maghrur tamanna meri sunti hai kahan
pahle sar ki ye shikayat thi falak uncha hai
ab mere panw ye kahte hain ki dharti hai kahan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
