ye shahr-e-rafiqan hai dil-e-zar sambhal ke

ye shahr-e-rafīqāñ hai dil-e-zār sambhal ke

milte haiñ yahāñ log bahut ruup badal ke

aariz haiñ ki murjhā.e hue phuul kañval ke

āñkheñ haiñ ki jhulse hue ḳhvāboñ ke mahal ke

chehra hai ki hai ā.īna-e-gardish-e-daurāñ

shahkār haiñ kyā kyā mire naqqāsh-e-azal ke

farhād sar-e-dār hai shīrīñ sar-e-bāzār

badle nahīñ ab tak magar andāz ġhazal ke

aa.e haiñ ġham-e-ishq meñ aise bhī maqāmāt

dil ḳhuun huā aañkh se aañsū bhī na Dhalke

duniyā bhī ik āmāj-gah-e-husn hai 'shā.ir'

dekho to zarā hajla-e-jānāñ se nikal ke

ye shahr-e-rafiqan hai dil-e-zar sambhal ke

milte hain yahan log bahut rup badal ke

aariz hain ki murjhae hue phul kanwal ke

aankhen hain ki jhulse hue KHwabon ke mahal ke

chehra hai ki hai aaina-e-gardish-e-dauran

shahkar hain kya kya mere naqqash-e-azal ke

farhad sar-e-dar hai shirin sar-e-bazar

badle nahin ab tak magar andaz ghazal ke

aae hain gham-e-ishq mein aise bhi maqamat

dil KHun hua aankh se aansu bhi na Dhalke

duniya bhi ek aamaj-gah-e-husn hai 'shair'

dekho to zara hajla-e-jaanan se nikal ke