ye tasalli hai ki hain nashad sab
ye tasallī hai ki haiñ nāshād sab
maiñ akelā hī nahīñ barbād sab
sab kī ḳhātir haiñ yahāñ sab ajnabī
aur kahne ko haiñ ghar ābād sab
bhuul ke sab ranjisheñ sab ek haiñ
maiñ batā.ūñ sab ko hogā yaad sab
sab ko da.avā-e-vafā sab ko yaqīñ
is adākārī meñ haiñ ustād sab
shahr ke hākim kā ye farmān hai
qaid meñ kahlā.eñge āzād sab
chaar lafzoñ meñ kaho jo bhī kaho
us ko kab fursat sune fariyād sab
talḳhiyāñ kaise na huuñ ash.ār meñ
ham pe jo guzrī hameñ hai yaad sab
ye tasalli hai ki hain nashad sab
main akela hi nahin barbaad sab
sab ki KHatir hain yahan sab ajnabi
aur kahne ko hain ghar aabaad sab
bhul ke sab ranjishen sab ek hain
main bataun sab ko hoga yaad sab
sab ko dawa-e-wafa sab ko yaqin
is adakari mein hain ustad sab
shahr ke hakim ka ye farman hai
qaid mein kahlaenge aazad sab
chaar lafzon mein kaho jo bhi kaho
us ko kab fursat sune fariyaad sab
talKHiyan kaise na hun ashaar mein
hum pe jo guzri hamein hai yaad sab
Source:
Tarkash (Pg. 86)
- Author: Javed Akhtar
-
- Edition: 2008
- Publisher: Star Publications Pvt. Ltd
- Year of Publication: 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
