ye tirī ḳhalq-navāzī kā taqāza bhī nahīñ
kahīñ dariyā hai ravāñ aur kahīñ qatra bhī nahīñ
apne āqāoñ ke aiboñ ko mahāsin samjhe
itnī pāband-e-aqīdat to re.āyā bhī nahīñ
iḳhtiyārāt se haq tak haiñ zabānī bāteñ
dastaḳhat kyā kisī kāġhaz pe añgūThā bhī nahīñ
koī imkān nahīñ hai kisī ḳhush-fahmī kā
chāra-gar tum ho to phir zaḳhm ko bharnā bhī nahīñ
ishtihārāt lage haiñ mirī ḳhush-hālī ke
aur thālī meñ mirī ḳhushk nivāla bhī nahīñ
ye ujālā koī sāzish hai ye jugnū hai fareb
sub.h se pahle charāġhoñ ko bujhānā bhī nahīñ
ye teri KHalq-nawazi ka taqaza bhi nahin
kahin dariya hai rawan aur kahin qatra bhi nahin
apne aaqaon ke aibon ko mahasin samjhe
itni paband-e-aqidat to reaya bhi nahin
iKHtiyaraat se haq tak hain zabani baaten
dastaKHat kya kisi kaghaz pe anguTha bhi nahin
koi imkan nahin hai kisi KHush-fahmi ka
chaara-gar tum ho to phir zaKHm ko bharna bhi nahin
ishtihaaraat lage hain meri KHush-haali ke
aur thaali mein meri KHushk niwala bhi nahin
ye ujala koi sazish hai ye jugnu hai fareb
subh se pahle charaghon ko bujhana bhi nahin
Source:
Tashkeel (QUARTERLY) (Pg. 198)
-
Author:
Fareed Ahmed
-
- Edition: 1998
- Publisher: Tashkeel Publishers, Karachi
- Year of Publication: 1998
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.