aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye to malum ki phir aaiyega

Sakhi Lakhnvi

ye to malum ki phir aaiyega

Sakhi Lakhnvi

MORE BYSakhi Lakhnvi

    ye to ma.alūm ki phir ā.iyegā

    baiThiye aaj kahāñ jā.iyegā

    marqad-e-kushta pe jab ā.iyegā

    dil meñ kuchh soch ke pachhtā.iyegā

    ham to samjhe the ki jald ā.iyegā

    ḳhair ab pūchh ke ghar jā.iyegā

    ġhair ko bose dahan ke kaise

    kuchh mirā muñh to na khulvā.iyegā

    mere kahne meñ nahīñ hai dil-e-zār

    aap kuchh use samjhā.iyegā

    ab to chūse lab-e-shīrīñ ham ne

    lo hameñ ghol ke jā.iyegā

    daulat-e-vasl hai qīmat dil

    aage kuchh aap bhī farmā.iyegā

    jam.a ḳhātir rahiye ai ahl-e-qubūr

    ham bhī aate haiñ na ghabrā.iyegā

    vasf likhte haiñ lab-e-shīrīñ ke

    kuchh miThā.ī hameñ khilvā.iyegā

    naza.a meñ paas mire kyuuñ baiThe

    uThiye uThiye nahīñ ghabrā.iyegā

    sadma-e-hijr meñ taklīf kareñ

    malak-ul-maut se farmā.iyegā

    aap par marne se hāsil kyā hai

    fātiha bhī to na divā.iyegā

    shaiḳh-jī but burā.ī kiije

    apne allāh se bharpā.iyegā

    ka.abe meñ saḳht-kalāmī sun

    but-kade meñ na kabhī ā.iyegā

    bose lillāh 'saḳhī' māñgtā hai

    ek dījegā to das pā.iyegā

    ye to malum ki phir aaiyega

    baiThiye aaj kahan jaiyega

    marqad-e-kushta pe jab aaiyega

    dil mein kuchh soch ke pachhtaiyega

    hum to samjhe the ki jald aaiyega

    KHair ab puchh ke ghar jaiyega

    ghair ko bose dahan ke kaise

    kuchh mera munh to na khulwaiyega

    mere kahne mein nahin hai dil-e-zar

    aap hi kuchh use samjhaiyega

    ab to chuse lab-e-shirin hum ne

    lo hamein ghol ke pi jaiyega

    daulat-e-wasl hai qimat dil ki

    aage kuchh aap bhi farmaiyega

    jama KHatir rahiye ai ahl-e-qubur

    hum bhi aate hain na ghabraiyega

    wasf likhte hain lab-e-shirin ke

    kuchh miThai hamein khilwaiyega

    naza mein pas mere kyun baiThe

    uThiye uThiye nahin ghabraiyega

    sadma-e-hijr mein taklif karen

    malak-ul-maut se farmaiyega

    aap par marne se hasil kya hai

    fatiha bhi to na diwaiyega

    shaiKH-ji but ki burai kije

    apne allah se bharpaiyega

    kabe mein saKHt-kalami sun li

    but-kade mein na kabhi aaiyega

    bose lillah 'saKHi' mangta hai

    ek dijega to das paiyega

    Source:

    Deewan-e-Sakhi(Naghma-e-Hazar) (Pg. ebook-11 page-2)

    • Author: Sakhi Lakhnvi
      • Edition: 1882
      • Publisher: Daruttaba Bandobast, Hyderabad
      • Year of Publication: 1882
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now