ye wafa mange hai tum se na jafa mange hai

ye vafā māñge hai tum se na jafā māñge hai

merī māsūm jabīñ ek ḳhudā māñge hai

dil kā har zaḳhm mirā dād-e-vafā māñge hai

be-gunāhī mirī ab tum se sazā māñge hai

dil-e-kam-baḳht ko dekho to ye kyā māñge hai

ek but sab se alag sab se judā māñge hai

ik uchaTtī sī nazar ek tabassum kī kiran

dil-e-kam-zarf vafāoñ kā silā māñge hai

hosh jaate rahe 'mumtāz' ke shāyad logo

asr-e-hāzir meñ vo jiine kī duā māñge hai

ye wafa mange hai tum se na jafa mange hai

meri masum jabin ek KHuda mange hai

dil ka har zaKHm mera dad-e-wafa mange hai

be-gunahi meri ab tum se saza mange hai

dil-e-kam-baKHt ko dekho to ye kya mange hai

ek but sab se alag sab se juda mange hai

ek uchaTti si nazar ek tabassum ki kiran

dil-e-kam-zarf wafaon ka sila mange hai

hosh jate rahe 'mumtaz' ke shayad logo

asr-e-hazir mein wo jine ki dua mange hai