ye zamana kahin mujhse na chura le mujhko

Kamil Bahzadi

ye zamana kahin mujhse na chura le mujhko

Kamil Bahzadi

MORE BY Kamil Bahzadi

    ye zamāna kahīñ mujh se na churā le mujh ko

    koī is ālam-e-dahshat se bachā le mujh ko

    maiñ isī ḳhaak se niklūñgā sharāra ban kar

    log to kar ga.e miTTī ke havāle mujh ko

    koī jugnū koī taarā na ujālā degā

    raah dikhlā.eñge ye paañv ke chhāle mujh ko

    un charāġhoñ meñ nahīñ huuñ ki jo bujh jaate haiñ

    jis chāhe havāoñ meñ jalā le mujh ko

    dard aañch baḌhegī to pighal jā.ūñgā

    apne āñchal meñ koī aa ke chhupā le mujh ko

    is qadar maiñ ne sulagte hue ghar dekhe haiñ

    ab to chubhne lage āñkhoñ meñ ujāle mujh ko

    tazkira merā kitāboñ meñ rahegā 'kāmil'

    bhuul jā.eñge mire chāhne vaale mujh ko

    ye zamana kahin mujh se na chura le mujh ko

    koi is aalam-e-dahshat se bacha le mujh ko

    main isi KHak se niklunga sharara ban kar

    log to kar gae miTTi ke hawale mujh ko

    koi jugnu koi tara na ujala dega

    rah dikhlaenge ye panw ke chhaale mujh ko

    un charaghon mein nahin hun ki jo bujh jate hain

    jis ka ji chahe hawaon mein jala le mujh ko

    dard ki aanch baDhegi to pighal jaunga

    apne aanchal mein koi aa ke chhupa le mujh ko

    is qadar main ne sulagte hue ghar dekhe hain

    ab to chubhne lage aankhon mein ujale mujh ko

    tazkira mera kitabon mein rahega 'kaamil'

    bhul jaenge mere chahne wale mujh ko

    RECITATIONS

    Nomaan Shauque

    Nomaan Shauque

    Nomaan Shauque

    ye zamana kahin mujhse na chura le mujhko Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY