ye zor-o-shor sar-e-abshaar kaisa hai

ye zor-o-shor sar-e-ābshār kaisā hai

ḳhamosh kab se hai ye kohsār kaisā hai

koī hai aur bhī aa.egā jo usī jaisā

vo aa chukā hai magar intizār kaisā hai

jo chāhte haiñ kisī ko yahāñ na aane deñ

batāo shahr-e-talab meñ hisār kaisā hai

ye kaisī shāḳh ke paivand haiñ daraḳhtoñ par

ye kaise phal haiñ ye rañg-e-bahār kaisā hai

hamesha soch se kam hī rahā hai har hāsil

ḳhayāl-o-ḳhvāb kā ye intishār kaisā hai

kisī bhī ghar meñ vo pahlī mohabbat hai hī nahīñ

koī bhī kahtā nahīñ ye dayār kaisā hai

har ek lafz ke ma.anī badal ga.e 'mājid'

jahān-e-sher meñ ye ḳhalfashār kaisā hai

ye zor-o-shor sar-e-abshaar kaisa hai

KHamosh kab se hai ye kohsar kaisa hai

koi hai aur bhi aaega jo usi jaisa

wo aa chuka hai magar intizar kaisa hai

jo chahte hain kisi ko yahan na aane den

batao shahr-e-talab mein hisar kaisa hai

ye kaisi shaKH ke paiwand hain daraKHton par

ye kaise phal hain ye rang-e-bahaar kaisa hai

hamesha soch se kam hi raha hai har hasil

KHayal-o-KHwab ka ye intishaar kaisa hai

kisi bhi ghar mein wo pahli mohabbat hai hi nahin

koi bhi kahta nahin ye dayar kaisa hai

har ek lafz ke mani badal gae 'majid'

jahan-e-sher mein ye KHalfashaar kaisa hai