aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

yun ganwata hai koi jaan-e-aziz

Rasa Chughtai

yun ganwata hai koi jaan-e-aziz

Rasa Chughtai

MORE BYRasa Chughtai

    yuuñ gañvātā hai koī jān-e-azīz

    zindagī hotī to ham rakhte aziiz

    kyā batā.eñ ab bikhar jaane ke ba.ad

    āshiyāñ thā hameñ tinke aziiz

    DhūñDhtā hai aaj kunj-e-āfiyat

    dil kabhī jis ko the hañgāme aziiz

    husn thā us shahr āvārgī

    aur hameñ the paañv ke chhāle aziiz

    ye na qissa hai na andāz-e-bayāñ

    ye mirā ahvāl hai yār-e-azīz

    ghar meñ lagtā nahīñ aur shahr ke

    rāste lagte nahīñ apne aziiz

    is tarah kyā ai ġhubār-e-dil koī

    raqs kartā hai sar-e-kū-e-azīz

    saa.e haiñ jitne gurezāñ dhuup se

    dhuup ko haiñ utne saa.e aziiz

    ta.alluq kuchh na thā aap ko

    ġham hamāre ho ga.e itne aziiz

    sāmne aate nahīñ aur ḳhvāb meñ

    muñh chhupā lete haiñ duzdān-e-azīz

    aañkh hai sair-gāh-e-roz-o-shab

    vaqt hai jāda-e-umr-e-azīz

    kyā ajab jo dard-o-ġham ruḳhsat hue

    vo bhī the āḳhir 'rasā' apne aziiz

    yun ganwata hai koi jaan-e-aziz

    zindagi hoti to hum rakhte aziz

    kya bataen ab bikhar jaane ke baad

    aashiyan tha ya hamein tinke aziz

    DhunDhta hai aaj kunj-e-afiyat

    dil kabhi jis ko the hangame aziz

    husn tha us shahr ka aawargi

    aur hamein the panw ke chhaale aziz

    ye na qissa hai na andaz-e-bayan

    ye mera ahwal hai yar-e-aziz

    ghar mein ji lagta nahin aur shahr ke

    raste lagte nahin apne aziz

    is tarah kya ai ghubar-e-dil koi

    raqs karta hai sar-e-ku-e-aziz

    sae hain jitne gurezan dhup se

    dhup ko hain utne hi sae aziz

    ya talluq kuchh na tha ya aap ko

    gham hamare ho gae itne aziz

    samne aate nahin aur KHwab mein

    munh chhupa lete hain duzdan-e-aziz

    aankh hai ya sair-gah-e-roz-o-shab

    waqt hai ya jada-e-umr-e-aziz

    kya ajab jo dard-o-gham ruKHsat hue

    wo bhi the aaKHir 'rasa' apne aziz

    Source:

    Tere Aane Ka Intizar Raha (Pg. 72)

    • Author: Rasa Chughtai
      • Edition: 2007
      • Publisher: Art Council of Pakistan, Karachi
      • Year of Publication: 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now