yun jo uftad paDe hum pe wo sah jate hain
yuuñ jo uftād paḌe ham pe vo sah jaate haiñ
haañ kabhī baat jo kahne kī hai kah jaate haiñ
na chaTānoñ kī salābat hai na dariyā kā jalāl
log tinke haiñ jo har mauj meñ bah jaate haiñ
ye na.ī nasl hai is vāste ḳhālī ḳhālī
dard jitne haiñ vo bātoñ hī meñ bah jaate haiñ
aamad aamad kisī ḳhurshīd-e-jahāñ-tāb kī hai
peshvā.ī ke liye anjum o mah jaate haiñ
zindagī ban ga.ī dīvānoñ kī ik dauḌ 'surūr'
ham se kitne haiñ jo is dauḌ meñ rah jaate haiñ
yun jo uftad paDe hum pe wo sah jate hain
han kabhi baat jo kahne ki hai kah jate hain
na chaTanon ki salabat hai na dariya ka jalal
log tinke hain jo har mauj mein bah jate hain
ye nai nasl hai is waste KHali KHali
dard jitne hain wo baaton hi mein bah jate hain
aamad aamad kisi KHurshid-e-jahan-tab ki hai
peshwai ke liye anjum o mah jate hain
zindagi ban gai diwanon ki ek dauD 'surur'
hum se kitne hain jo is dauD mein rah jate hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
