yun tujhse dur dur rahun ye saza na de
yuuñ tujh se duur duur rahūñ ye sazā na de
ab aur zinda rahne kī mujh ko duā na de
ab ehtiyāt-e-shiddat-e-girya na pūchhiye
Dartā huuñ maiñ vo sun ke kahīñ muskurā na de
lo maiñ ne dil kī us se lagā.ī to hai magar
Dar hai ye sham-e-ġham kahīñ dāman jalā na de
kahnā to hai mujhe bhī hadīs-e-ġham-e-hayāt
lab kholne kī kaash ijāzat zamāna de
ho bijliyoñ kā mujh se jahāñ par muqābla
yā-rab vahīñ chaman meñ mujhe āshiyāna de
us dene vaale ke yahāñ kis shai kī hai kamī
tum māñgne kī tarah jo māñgo to kyā na de
hassās maiñ bahut huuñ na lag jaa.e dil ko Thes
mahfil meñ muskurā ke mujhe yuuñ sadā na de
maiñ āshna-e-dard-o-ġham-e-dil huuñ chāra-gar
jis se ifāqa ho mujhe aisī davā na de
'ājiz' tamām umr maiñ khātā rahā fareb
mujh ko mirī vafāoñ kā aisā sila na de
yun tujh se dur dur rahun ye saza na de
ab aur zinda rahne ki mujh ko dua na de
ab ehtiyat-e-shiddat-e-girya na puchhiye
Darta hun main wo sun ke kahin muskura na de
lo main ne dil ki us se lagai to hai magar
Dar hai ye sham-e-gham kahin daman jala na de
kahna to hai mujhe bhi hadis-e-gham-e-hayat
lab kholne ki kash ijazat zamana de
ho bijliyon ka mujh se jahan par muqabla
ya-rab wahin chaman mein mujhe aashiyana de
us dene wale ke yahan kis shai ki hai kami
tum mangne ki tarah jo mango to kya na de
hassas main bahut hun na lag jae dil ko Thes
mahfil mein muskura ke mujhe yun sada na de
main aashna-e-dard-o-gham-e-dil hun chaara-gar
jis se ifaqa ho mujhe aisi dawa na de
'ajiz' tamam umr main khata raha fareb
mujh ko meri wafaon ka aisa sila na de
Source:
mahbas-e-gham (Pg. 64)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
