aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

یوں اٹھا دے ہمارے جی سے غرض

حفیظ جونپوری

یوں اٹھا دے ہمارے جی سے غرض

حفیظ جونپوری

MORE BYحفیظ جونپوری

    یوں اٹھا دے ہمارے جی سے غرض

    ہو نہ تیرے سوا کسی سے غرض

    وہ منائے گا جس سے روٹھے ہو

    ہم کو منت سے عاجزی سے غرض

    یہ بھی احسان ہے قناعت کا

    اپنی اٹکی نہیں کسی سے غرض

    یہ محل بھی مقام عبرت ہے

    آدمی کو ہو آدمی سے غرض

    درد مندوں کو کیا دوا سے کام

    غم نصیبوں کو کیا خوشی سے غرض

    حسن آرائشوں کا ہو محتاج

    اس کو آئینے آرسی سے غرض

    چور ہیں نشۂ محبت میں

    مے سے مطلب نہ مے کشی سے غرض

    دیر تک دید کے مزے لوٹے

    خوب نکلی یہ بے خودی سے غرض

    بے نیازی کی شان ہی یہ نہیں

    اس کو بندوں کی بندی سے غرض

    تیری خاطر عزیز ہے ورنہ

    مجھ کو دشمن کی دوستی سے غرض

    ہم محبت کے بندے ہیں واعظ

    ہم کو کیا بحث مذہبی سے غرض

    دیر ہو کعبہ ہو کلیسا ہو

    اس کی دھن اس کی بندگی سے غرض

    شیخ کو اس قدر پلاتے کیوں

    مے کشوں کو تھی دل لگی سے غرض

    اس کو سمجھو نہ حظ نفس حفیظؔ

    اور ہی کچھ ہے شاعری سے غرض

    مأخذ:

    Kulliyat-e-Hafeez Jaunpuri (Pg. Ghazal Number-96 Page Number-123)

    • مصنف: Tufail Ahmad Ansari
      • اشاعت: 2010
      • ناشر: Qaumi Council Baraye Farogh-e-urdu Zaban
      • سن اشاعت: 2010

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے