yun zindagi ke marhale dushwar ho gae
yun zindagi ke marhale dushwar ho gae
Abdul Majeed Khan Majeed
MORE BYAbdul Majeed Khan Majeed
yuuñ zindagī ke marhale dushvār ho ga.e
gulshan ke phuul mere liye ḳhaar ho ga.e
sūraj mire uruuj kā jab Dūbne lagā
apne tamām log hī be-zār ho ga.e
vāraftagī-e-shauq kā e.ajāz dekhiye
sho.ale hamāre haq meñ bhī gulzār ho ga.e
maidān-e-kār-zār meñ jo kuchh na kar sake
mahfil meñ vo bhī ġhāzī-e-guftār ho ga.e
chāhā thā rasm-o-rāh baḌhe un se par 'majīd'
hālāt apne biich kī dīvār ho ga.e
yun zindagi ke marhale dushwar ho gae
gulshan ke phul mere liye KHar ho gae
suraj mere uruj ka jab Dubne laga
apne tamam log hi be-zar ho gae
waraftagi-e-shauq ka eajaz dekhiye
shoale hamare haq mein bhi gulzar ho gae
maidan-e-kar-zar mein jo kuchh na kar sake
mahfil mein wo bhi ghazi-e-guftar ho gae
chaha tha rasm-o-rah baDhe un se par 'majid'
haalat apne bich ki diwar ho gae
Source:
(Pg. 46)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
